Сбæрæг сты Плиты Грисы æмæ Абайты Васойы номыл стипендиисджытæ

Сбæрæг сты Плиты Грисы æмæ Абайты Васойы номыл стипендиисджытæ. Уыдон сты нæ республикæйы уæлдæр ахуыргæнæндæтты студенттæ æмæ æрыгон фæлтæрдджын адæм. Уый тыххæй Цæгат Ирыстоны хицауады радон æмбырды фехъусын кодта нæ республикæйы ахуырад æмæ наукæйы министр Людмила Башарина. Цæгат Ирыстоны паддзахадон институты студенткæ Уаниты Заремæ хорзæхгонд æрцыд Плиты Грисы номыл стипендийæ. Цæгат Ирыстоны паддзахадон университеты студенттæ Хуырымты Дианæ, Бекъойты Янæ æмæ нæ республикæйы паддзахадон гуманитарон иртæстыты институты хистæр кусæг Дзапарты Елизаветæ та исдзысты Абайты Васойы номыл стипенди. Цы æхца сын рахай кæндзысты, уыдон та сын æфтыд æрцæудзысты сæхи стипендитæм. Уыдон 2 æмæ 8 мины. Фæрæзтæ лæвæрд цæудзысты Уæрæсейы программæ «Цæгат Ирыстоны ахуырады райрæзт 2017-2020 азты» – йы фæрцы. Ацы проект арæзт у ирон æвзаг æмæ литературæ бахъхъахъæнынмæ. Уæ зæрдыл ма уын æрлæууын кæндзыстæм, Плиты Грисы стипенди снысан кодтой 2013 азы. Ацы стипенди йæ бон исын у дыууæ æмæ фылдæр наукон публикацийы кæмæн ис, уыдонæн. Абайты Васойы стиепнди та лæвæрд цæуы 2001 азæй. Уый та нысангонд цæуы аспиранттæ æмæ ахуыргæндтæн.