Квадрокоптер суадзын. Робот хи къухæй сæмбырд кæнын. Æппæт ацы хъуыддæгтыл сентябры ахуыр кæнын райдайдзысты Джызæлы 2-æм скъолайы ахуырдзауты. Фæзындзæн дзы «Точка роста», зæгъгæ, нымæцон æмæ гуманитарон профилы центр. Фаронæй нырмæ æнтысджынæй кусы 17 ахæм центры. Арæзт цæуынц сæрмагонд федералон программæмæ гæсгæ. Уый хауы национ проект «Образование»-мæ.
Джызæлы скъолайы сæрмагонд бæстыхайы цалцæггæнæн куыстытæ кæронмæ фæхæццæ кæнынц. Фидæны дзы фæзындзæн уæлæмхасæн ахуырад «Точки роста»-йы кусæнуат. Сентябры Джызæлы скъоладзаутæн фадат уыдзæн 3D-йы программæты хи бафæлварын, квадрокоптер суадзын, робот сæмбырд кæнын. Скъолайы разамынд куыд зæгъы, афтæмæй æппæты тынгдæр ацы хъуыддагмæ æнхъæлмæ кæсынц сывæллæттæ.
Сентябры республикæйы 42 скъолайы скусдзысты «Точка роста», зæгъгæ, нымæцон æмæ гуманитарон профильты центртæ. Уыдон та сты сæдæгай телеуынынады экрантæ, ноутбуктæ, 3D-принтертæ æмæ квадрокоптертæ. Æрвылбон бæрæг кæнынц, техникæ куыд кусы, уый.
Ивгъуыд азæй фæстæмæ Цæгат Ирыстоны кусы 17 ахæм центры. Ныртæккæ «Технологи», «Информатикæ», скъоладзаутæ ахуыр кæндзысты ног хуызы. Пайда кæндзысты, нырыккон домæнтæн дзуапп чи дæтты, ахæм кусæнгæрзтæй. Хи фæлварыны фадат дзы уыдзæн фæсурокты рæстæг.
«Точки роста» арæзт цæуынц «Нырыккон скъола», зæгъгæ, федералон проекты фæлгæты. Уый хауы национ проект «Образование»-мæ. Ахæм центрты фæрцы ахуырдзаутæн фадат ис нырыккон кусæнгæрзтæй пайда кæнын, регионалон æмæ федералон конкурсты архайын.
