Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло фембæлд акционерон æхсæнад «Алмаз»-ы генералон директор Валерий Вакулаимæ. Куыстуат ис компаниты къорд «Созвездие»-йы хыгъды. Фембæлды ма архайдта республикæйы промышленность æмæ транспорты министры хæстæ рæстæгмæ æххæстгæнæг Мæрзойты Владимир.
Ныхас кодтой раздæры завод «Янтарь»-ы, ныр «Цех 222»-ы дарддæры райрæзтыл. Ныртæккæ дзы цалцæг кæнынц бæстæйы арæнтæхъахъхъæнынады министрады техникæйы бастдзинады фæрæзтæ. Ныхас ма цыд центры бындурыл бастдзинады фæрæзтæ цалцæг кæныны тыххæй цех саразыныл. Уый хорз æххуыс уаид уæлæмхасæн куыстытæ æххæст кæнынæн.
