Æфсæддон-патриотон проект «На безымянной высоте»-йы сфæлдыстадон къорды архайджытæн радтой бузныджы фыстæджытæ регионы разамонæгæй. Балæвар сын сæ кодтой ирон æвзагмæ зындгонд зарæг кæй ратæлмац кодтой, стæй йын видео-клип кæй сарæзтой, уый тыххæй. Кадджын мадзалы архайдта республикæйы хицауады сæрдары хæдивæджы хæстæ рæстæгмæ æххæстгæнæг Кæсæбиты Игорь.
Сфæлдыстадон къорды архайджытæн загъта бузныджы ныхæстæ, раарфæ сын кодта сæ фæллойы тыххæй. Къорды архайджытæй иу, тæлмацгæнæг Баситы Зæлинæ та радзырдта сæ архайды æмæ проект куыд фæзынд, уый тыххæй.
