Сергей Меняйло фембæлд акционерон æхсæнад «ОПК»-йы специалисттимæ. «Иугонд прибораразæг корпораци»-йы минæвæрттæ Цæгат Ирыстонмæ ссыдысты Сæрмагонд радиоæрмæджыты централон колнструкторон бюройы куыст фенынмæ.
Куыстуат, гæнæн ис, æмæ суа фидæны промышленнон технопарчы фæзуат радиоэлектронон промышленносты къабазы. «Пан сити групп»-ы райрæзты директор Алексей Агафоновы ныхæстæм гæсгæ, проектыл бакусгæйæ, йæ арæзтадæн ис райсæн федералон субсиди.
Раздæр куыд фехъусын кодтой, афтæмæй республикæ фæнд кæны, ВЭБ.РФ æмæ паддзахадон корпораци «Ростех»-имæ иумæ, регионы промышленнон технопарк саразын. Ацы хъуыддагыл ныхас цыд бæстæйы Президент æмæ Цæгат Ирыстоны Сæргълæууæг Сергей Меняйлойы фембæлды рæстæг.
