Сергей Меняйло фембæлд “Авд сау гæххæтты” кинонывы продюсер Сохъуырты Асланимæ. Киноныв бацыд зындгонд Мæскуыйаг æппæтадæмон фестивалы хыгъдмæ. Кино ист æрцыд зындгонд ирон фыссæг Булкъаты Михалы “Авд сау гæххæтты” радзырдмæ гæсгæ.
1942-æм аз, ирон хæххон хъæу. Дыууæ ‘фсымæры æнхъæлмæ кæсынц сæ фыдмæ хæсты быдырæй. Постхæссæг лæппу хъæумæ æрбахæссы сау гæххæттытæ. Цы хъыг æрхæссынц фыстæджытæ, уый уынгæйæ фсымæртæ постхæссæджы æмбæхсын кæнынц фыстæджытæ хæсты кæронмæ. Уыимæ ма кинонывы бундуры æвæрд æрцыд йæ режиссер Колыты Анатолийы фыды фыды истори.
Киноныв истой Цæгат Ирыстоны хъæуты, сæйрагдæр бынат та уыд – Къæмунтæ. Киноныв ист æрцыд ирон æвзагыл. Прокаты кино рацæудзæн Уæлахизы бон – 9 майы.
