Республикæйы сæргълæууæг Сергей Меняйло фембæлд Сбербанчы Хуссар-Ныгуылæн банчы сæрдар Анатолий Песенниковимæ. Æрдзырдтой регионы инвестицион гæнæнтыл, нымæцон проекттæ æмæ адæмы царды хæрзхъæддзинад фæхуыздæр кæныныл.
Сергей Меняйло фæнысан кодта, республикæ Сберимæ финансты хъуыддаджы æнтыстджынæй æмгуыст кæй кæны, уый. Сберы æххуысæй абон кусынц минæй фылдæр егъау æмæ астæуккаг бизнесы куыстуæттæ. Чысыл бизнесы та — 8 мин амалхъом адæймаджы.
Уымæй уæлдай, 2023-æм азы фыццаг кварталы республикæйы компанитæ Сберы райстой 2 млрд сомы бæрц кредиттæ. Анатолий Песенников куыд радзырдта, афтæмæй Цæгат Кавказы федералон зылды амалхъомад æмæ нымæцон проекттæ царды уадзынæн æххуыс чи исы, уыдонæй Цæгат Ирыстон ис раззагдæр регионты ‘хсæн.
