Республикæйы сæргълæууæджы хæстæ рæстæгмæ æххæстгæнæг Сергей Меняйло фембæлд радиологийы «Националон медицинон иртасæн центры»-ы директор, Уæрæсейы æнæниздзинад хъахъхъæнынады министрады сæйраг æнæштатон онколог Андрей Капринимæ.
Æмбырды архайдтой хицауады сæрдары хæдивæджы хæстæ æххæстгæнæг Александр Реутов æмæ æнæниздзинад хъахъхъæнынады министр Тебиаты Сослан. Бæрнон кусджытæ дзырдтой онкологон службæйы куыст фæхуыздæр кæныныл. Сæрмагондæй Цæгат Ирыстонæн хъæуы дæсны специалистты бацæттæ кæнын. Ныртæккæ республикæйы цæуы къабазы аудит. Йæ хатдзæгтæм гæсгæ æнæниздзинад хъахъхъæнынады къабаз модернизацигонд æрцæудзæн.
Андрей Каприн федта республикон онкологон диспансеры куыст. Йæ ныхæстæм гæсгæ цæттæ цæгатирыстойнаг дохтыртæн телемедицинон консультацитæ аразын, уыимæ ног специалисттæ ахуыр кæныны баххуыс кæнын. Фæнысан ма кæндзыстæм уый æмæ Цæгат Ирыстоны нацпроекты фæлгæты æххæст кæнынц «Онкологон низтимæ тох»-ы федералон программæ.
