Сæрмагонд æфсæддон операцийы рæстæг æхсардзинад æмæ хъæбатырдзинад равдисыны фæдыл. Сергей Меняйло республикæйы уæлдæр хæрзиуæг – «Ирыстоны намыс»-ы орден радта Уæрæсейы хъæбатыр Абайты Юрийæн. 42-æм æхсæн дивизийы 70-æм гвардион мотоæхсæн полчы командыгæнæджы хæдивæг. Сæргълæууæг фæнысан кодта, Ирыстоны адæм сæрыстыр кæй сты хъæбатыр æфсæддонæй.
Абайты Юрий бузныг загъта Сергей Меняйлойæн Сæрмагонд æфсæддон операцийы бынаты Ирыстонæй цы фæсивæд архайы, уыдонæн стыр æххуыс кæй кæны, уый фæдыл. Æфсæддонтæ йын стыр аргъ кæнынц. Уæ зæрдыл уын æрлæууын кæндзыстæм, Уæрæсейы хъæбатыры ном Абайты Юрий райста 2024-æм азы февралы бæстæйы Президенты Указмæ гæсгæ.
