Цæгат Ирыстоны сæргълæууæджы хæстæ рæстæгмæ æххæстгæнæг Сергей Меняйло скодта коронавирусы ныхмæ прививкæ. Уый тыххæй регионы разамонæг фехъусын кодта йæ социалон сыфыл Facebook-ы.
Дохтырты амынддзинæдтæм гæсгæ Сергей Меняйло райста вакцинæ «Спутник Лайт». Коронавирусæй фæрынчын 6 мæйы размæ æмæ йын цасдæр рæстæг низæй тæссаг нæ уыд. Фæлæ ныртæккæ, уæлæмхасæн медицинон иртæстыты фæстæ, вакцинаци ацæуыны фæнд рахаста. Сергей Меняйло фæнысан кодта, коронавирусыл фæтых уæвæн кæй ис, прививкæтæ фылдæр адæм куы скæной, уæд. Уымæ гæсгæ, вакцинацимæ алчидæр хъуамæ бæрнон цæстæй кæса.
