Скъолаты æхснырсæджы миниуджытæ раиртæстой ахуырдзауты 8%, сывæллæтты рæвдауæндæтты та сабиты 12%. Уый тыххæй æрвылкъуырион аппаратон æмбырды фехъусын кодта дзуапдæттæг министр Алыбегты Эллæ. Йæ ныхасмæ гæсгæ, фæстаг цалдæр азмæ, уый æппæты ныллæгдæр бæрæггæнæн у. Æмткæй республикæйы эпидемиологон уавæр сабыр у. Регионы медицинон кусæндæттæм къаддæр сидынц. Ныхас ма цыд хъæбæр коммуналон хауæццæгтимæ баст фарстайыл. Цæрæнуæтты-коммуналон хæдзарды министр Хъараты Тимур куыд радзырдта, афтæмæй фæзуæттæ нæ фаг кæнынц. Хъæуы ма 650 уæлæмхасæн зонæйы æмæ 2,5 мин контейнеры. Уымæй уæлдай ма 70 фæзы та стырбæрцон быронæн. Сергей Меняйло бахæс кодта сæ сæвæрыны фæдыл бынæттæ снысан кæнын. Иу фарста ма Дзæуджыхъæуы администраци регоператор “Эра”-йæн автотранспорты 13 иуæджы æрæгмæ кæй дæтты, уый. Регионы разамонæг фæсидт дыууæ фарсмæ дæр, цæмæй хæстæгдæр рæстæг хъуыддаг аскъуыддзаг кæной.
