Сывæллæтты дзæбæхгæнæн лагерьтæм цæттæдзинады тыххæй дзырдтой кусæндæтты `хсæн къамисы æмбырды. Амыдта йæ вице-премьер Азымты Иринæ. Бæрнон кусджытæ скодтой бæстон докладтæ. Объекттæ куыд цæттæ сты, уый тыххæй радзырдтой, ацы аз сывæллæтты чи суазæг кæндзæн, уыцы дзæбæхгæнæн лагерьты директортæ.
Зæгъæм, лагерь «Дзынагъа»-йы кусынц æппæт аиппытыл. Сæ хæстæ кæронмæ фæхæццæ кæнынц. «Ростсельмаш»-ы та ныртæккæ цæуынц аивгæнæн куыстытæ. Хæстæгдæр дыууæ боны Æнæнхъæлæджы уавæрты министрады кусджытæ ацæудзысты Дыгургоммæ æмæ аргъ скæндзысты лагеры цæттæдзинадæн. Фæнысан ма кæндзыстæм уый, æмæ къамисы нысан у сывæллæттæн æмæ сæ хъомылгæнджытæн æппæт æмбæлгæ уавæртæ саразын. Алы лагеры дæр ис хъусынгæнæн æмæ видеоцæстдарды системæ. Ацы аз дзæбæхгæнæн кампанийы архайдзæн 176 куыстуаты.
