Дзæуджыхъæуы райдыдта регионты ‘хсæн сывæллæтты сфæлдыстады фестиваль “Культурæты диалог”. Архайынц дзы Цæгат æмæ Хуссар Ирыстоны, Кæсæг-Балхъары, Цæцæны республикæйы, Ростовы æмæ Стъараполы крайы фæсивæды минæвæрттæ.
Программæйы – концерттæ, дæсныйадæвдисæг ахуыртæ, адæмты хæлардзинады фæдыл лекцитæ. Равдысты ахсджиаг цау сси Петербургы æмæ Мæскуыйы раззагдæр нывгæнджыты экспозицитæ.
Культурæйы министр Гуыдиаты Батраз куыд фæнысан кодта, афтæмæй форумæн ис стыр нысаниуæг фæлтæрддзинадæй дих кæнынæн.
