Фыццаджыдæр ирон чъиритæ, цæцæйнаг жижи галнаш, дагестайнаг чуду. Фестиваль “Цъæх фæткъуы” иу фынгыл сæмбырд кодта
æгас Кавказы хæринæгтæ. Адæмты ‘хсæн иудзинады тыххæй ам хорз зонынц. ЦИПУ-йы ахуыр кæнынц 34 адæмыхатты минæвæрттæ – æндæр бæстæтæй, сыхаг республикæтæй студенттæ. Уыимæ ма дард фæсарæйнаг паддзахадты фæсивæд –
Камерун, Сенегал æмæ Китайæ.
Журналистикæйы факультеты фыццаг курсы студент Токаты Азæмæт фестивалы архайы нæ республикæйы номæй, иннæ ахуырдзаутимæ иумæйагæй бацæттæ кодтой музыкалон равдыст. Сценæмæ лæппу бæллыд сабийæ фæстæмæ, фестиваль “Цъæх фæткъуы”- йын фадат радта йæхи бафæлварынæн.
“Цъæх фæткъуы” студенттæн дæтты фадат сæ курдиат раргом кæнынæн. Фестиваль скæнынц æрвылаз, курдиатджын фыццагкурсонтæ бацæттæ кæнынц музыкалон, кæфтыты æмæ цирчы номыртæ. Фестивалы хатдзæгтæм гæсгæ йæ архайджыты хæрзгæнджыты номæй схорзæх кæнынц сертификаттæй, хуыздæр равдыстытæ та райсынц Гран-при. Ивгъуыд аз уæлахиздзау сси ПЕДАГОГОН факультеты студенткæ Хадыхъаты Камиллæ.
Нæ республикæйæн 4-æм ноябрь алкæддæр уыд нымад бон, Цæгат Ирыстоны цæрынц 95 адæмыхатты минæвæрттæ æмæ мах зонæм кæрæдзийæн кад кæнын, хæлар цæрын. Ахæм мадзæлттæ та æххуыс сты иудзинад бахъахъхъæнынæн.
