“Осетия-Ирыстон”-ы кусджытæй бирæтæн сæ профессионалон фæндаг райдыдта æрыгон журналистты скъола “Эрасик”-æй. Уæвгæ, нырыккон телеуынынад бангом кодта цалдæр фæлтæры, сæ куыстыл æнувыд æмæ иузæрдион чи у, ахæм специалистты. Сæдæгай адæм, куыд кадры, афтæ фæскадры архайджытæ. Уацхæсджытæ, редактортæ, продюсертæ, режиссертæ, оператортæ. Æмæ уый æрмæст сæ чысыл хай. Се ‘ппæты дæр иу кæны сæ дæсныйадмæ уарзондзинад. Нæ республикæйы фæзынд цалдæр телекомпанийы, уыдонæй алкæмæн дæр ис йæхи аудитори. Цæгат Ирыстоны фыццаг телецентр арæзт æрцыд 1957-æм азы хæдахуыр курдиæтты хъæппæрисæй. Сæ арæхстдзинадæй уайтагъд балхæдтой адæмы зæрдæтæ. Абон сæйраг нысан у фæлтæрдджын мэтртæ цы бындур сæвæрдтой, уый бахъахъхъæнын æмæ рæзын.
Дæсгай азтæм телеуынынад ацыд егъау фæндаг, фæзынди дзы алыхуызон жанртæ æмæ форматтæ. Мыхуырæй нымæцон хуызмæ рахизын, телеуынынады хæрзхъæддзинад фæбæрзонддæр кæнын, фæуæрæхдæр кæнын федералон æмæ регионалон каналтæ. Абон уæрæсейаг телеуынынад у традицитæ æмæ нырыккон технологиты иугонд. Эфиры рæстæг вæййы бирæ фæзилæнтæ-, зæгъы Хъулаты Земфирæ.
Фæлæ эфиры куыст у телеуынынадæн æрмæст йæ чысыл хай. Суанг советон рæстæг нæ республикæйы арæзтой, мингай адæмы зæрдæтæм чи цыд, ахæм кинонывтæ. Алыхуызон хъуыдытæ экранмæ рахæссын æмæ телевизормæ кæсджыты зæрдæтæ бацагайын. Уыцы сфæлдыстад абон дæр нымад у сыгъзæрин классикæйыл, хъомыл ыл кæны æрыгон фæлтæр.
Æнахуыр, æмбал кæмæн нæй ахæм æнкъарæнтæ. Телеуынынадмæ фыццаг хатт чи æрбацæуы, уый йæхи æндæр бынаты нал фæуыны. Ам кусынц алыхуызон хъуыдытыл, архайынц сæ царды уадзыныл. Æрмæст дæр иу нысанимæ, цæмæй телевизормæ кæсджытæ сæ æрмæджытæн аргъ скæной.
Къорд фæлтæртæ, проекттæ æмæ, кæй зæгъын æй хъæуы, уарзон телевизормæ кæсджытæ. Разæй та æнæмæнг – ног бæрзæндтæ. Æвæццæгæн, æмæ уæддæр телеуынынад у уæлдай, æнахуыр философи, курдиатджын æмæ йæ куыст æгæронæй чи уарзы, уыцы адæмæй аразгæ.
