Ацы хабары тыххæй гыццыл раздæр хъусын кодта ме `мкусæг Пхалæгаты Светланæ. Æмæ зæрдæ куыд бавæрдта, афтæмæй нæ эфиры ацы хъуыддагыл бæлвырддæр аныхас кæндзыстæм. Аналогон сигнал аххуысын кодтой абон мæскуыйы рæстæгмæ гæсгæ 11 сахат æмæ 43 минутыл. Ахæм хъуыддаг æнцонтæй нæ рауад, зæгъы нæ республикæйы хицауады сæрдары хæдивæг Фадзайты Æхсарбег.
Ныртæккæ республикæйы цæрджытæн ногдзинадмæ гæсгæ сæ бон у лæвар кæсын ссæдз каналмæ. Нымæцон сигнал æххæсы æппæт Цæгат Ирыстоныл дæр. Куыд горæтты афтæ хæххон хъæуты дæр. Нырыккон домæнтæн дзуапп цы телевизортæ дæттынц уыдон нымæцонмæ рахиздзысты автоматикон хуызы. Иннæ телевизортæн та хъæудзæн самал кæнын сæрмагонд гæрз. Антеннæ, кæна та нымæцон уæлæфтуан. Балхæнæн æй ис бадзарадон центрты æмæ посты хайадты. Йæ аргъ мин сомæй фылдæр нæу. Фæкæсын хъуаг цæрджытæй нымæцон уæлæфтуан чи балхæна уыдонæн се `хца фæстмæ ратдзысты. Уæ зæрдыл уын æрлæууын кæндзыстæм аналогон сигнал аххуысын кодтой нæ бæстæйы 36 регионы. Ацы аз октябры мæй та нал кусдзæн æгас Уæрæсейы дæр. Ацы хъуыддагыл бæлвырддæр æрдзурыны тыххæй абон нæ студимæ æрбахуыдтам Цæгат Ирыстоны информацион технологиты æмæ бастдзинады управленийы разамонæг Сæлбиты Аланы.
