Цæгат Ирыстоны 13 педагогæн снысан кодтой куысты бынæттæ сæрмагонд программæ «Земский учитель»-ы фæлгæты. Уый тыххæй фехъусын кодтой куыстдæттыны комитетæй.
Дыууæ азмæ программæйы архайджытæ баисты 31специалисты. Сæ бон уыдзæн кусын Хъæдгæроны, Бæрæгъуыны, Ираныхъæуы, Фиагдоны, Кæрдзыны, Заманхъулы, Мызуры, Бруты, Фыййагдоны æмæ Хъызлары скъолаты. Се ‘хсæн математикæ, физикæ, хими, англисаг æвзаг, уырыссаг æвзаг æмæ литературæ, информатикæ, стæй райдиан кълæсты ахуыргæнджыты ваканситæ.
Конкурсы бацархайыны фадат ис, 50 азы онг кæуыл цæуы, канд ахæм фæлтæрдджын педагогтæн нæ, фæлæ ма студенттæн дæр.
