Цæгат Ирыстоны кусынц Нарты кадджыты аудио хуыз ирон æвзагыл саразыныл. Зын текст ивынц афтæ, цæмæй æнцон æмбарæн уа, фыццаджыдæр сывæллæттæн. Проекты разамонæг у Пагæты Фатимæ. Йæ ныхæстæм гæсгæ, тексты æнцондæр хуыз уырыссаг æвзагыл ныффыстой фарон. Куыст сæххæст кодтой гранты æххуысæй. Театралон архайджыты Цæдис бацыд Культурон хъæппæристы Президенты фонды конкурсы уæлахиздзауты хыгъдмæ. Кадджытæ æвдисынц рæвдауæндæтты, скъолаты, астæуккаг æмæ уæлдæр ахуыргæнæндæтты. Байхъуысæн сæм ис интернеты тыгъдады дæр.
Нарты кадджыты хъайтартæ сдзырдтой зындгонд артистты хъæлæстæй: Гуыбиаты Хъазыбег, Цæриаты Валерий, Битарты Алыксандр, Кокуаты Андрей, проекты ма архайынц бархионтæ дæр. Проекты тæлмацгæнæг у – Уæрæсейы фысджыты цæдисы уæнг Баситы Зæлинæ.
