Цæгат Ирыстоны Парламентыл сæххæст 25 азы. Уый фæдыл депутаттæн арфæ ракодта республикæйы сæргълæууæг Битарты Вячеслав.
25 азы размæ адæм схъæлæс кодтой Парламенты депутаттыл æмæ уымæй сæхæдæг дæр бындур сæвæрдтой парламентаризмæн. Депутаттæ та систы, адæм бирæ рæстæг цæмæ тырныдтой, цы рæстдзинад сын нæ фаг кодта, уый сæрыл дзурджытæ. Битарты Вячеславы ныхæстæм гæсгæ республикæйы историмæ парламент бахаста ахадгæ бавæрæн.
Фондз æмæ ссæдз азмæ депутатты корпус сфидар кодта хъæугæ æмæ ахсджиаг закъæттæ. Уый фæрцы адæмы царды фæтк фæхуыздæр. Уæлдæр закъондæттæг органы сæйраг хæс æхсæнадон æмæ социалон-экономикон уавæр хуыздæр кæнын. Дарддæр дæр уыцы фæндагыл æнтыстджынæй цæуын бæрнон кусджытæн бафæдзæхста Битарты Вячеслав.
