Скъоладзауты ‘хсæн æппæтæуæрæсеон олимпиадæ ныртæккæ цæуы Дзæуджыхъæуы. Алывæрсыг хæслæвæрдтæ сывæллæтты дисы ‘фтауынц. Зæгъæм – Центрон парчы цады цæрæгойты фæдыл иртæстытæ саразын, кæнæ та цыбыр рæстæгмæ Калашниковы автомат райхалын æмæ сæмбырд кæнын. Уый та уымæн хъæуы, цæмæй æнæнхъæлæджы цауты сывæллæттæ сарæхсой. Практикæ æмæ теори та скъоладзаутæн амонынц мæскуыйаг эксперттæ. Ацы æркасты хорз хатдзæгтæ скъоладзаутæн пайда уыдзысты фидæны уæлдæр ахуыргæнæнæдонмæ бацæуынæн.
Ацы æрыгон адæм 40 секундмæ Калашниковы автомат райхалынц æмæ сæмбырд кæнынц. Арæхстджынæй бырынц къæдзæхтыл, цалдæр секундмæ та зынгхуыссынгæнæджы сæрмагонд дарæс амбырд кæнынц. Интенсивы кусынц алыхуызон тематикон фæзтæ. Зæгъæм, мæнæ ам фæсивæды ахуыр кæнынц фыццаг медицинон æххуыс бакæныныл. Скъоладзауты æппæтуæрæсеон олимпиадæйы ахсджиаг хай у практикæ.
Сæйраг парчы цадты та æрыгон биологтæ иртасынц доны цæрæгойты. Базонынц сæ сæ буары хæйттæ, стæгдар æмæ къабæзтæм гæсгæ, сæ цæстытæ æмæ æндæр буары хӕйттӕ хынцгæйæ. Æрдзы куыд æмæ цы хуызы цæрынц, уый дæр сбæрæг кæнынц. Дарддæр сæхи цæттæ кæндзысты проектон иртæстытæм.
Олимпиадæйы ма ис æфсæддон хай. Уымæ гæсгæ сывæллæттæ хъуамæ зоной автомат сæмбырд кæнын, хæцæнгарзæй æхсын. Ууыл сæ ахуыр кæнынц дæсны специалисттæ Мæскуыйæ. Уыдон цæгатирыстойнаг архайджыты цæттæ кæнынц регионалон æмæ федералон къæпхæнтæм. Куыд фæнысан кодтой, афтæмæй æрвылбоны цардархайды бындурон зоныдзинæдтæ фæсивæд хорз зонынц.
Фæсивæды архайдыл бæрæг у, раздæр сæхи олимпиадæмæ кæй нæ цæттæ кодтой, уый. Фæлæ æвдисынц хорз зонындзинæдтæ. Сты арæхстджын, уымæ гæсгæ Олимпиадæйы, æнæмæнг, хорз бæрæггæнæнтæ равдисдзысты.
Ахуыртæ хъæугæ сты æрмæст æвæстиаты уавæры нæ. Ныртæккæ сæйрагдæр у хуыздæр суæвын. Олимпиадæйы уæлахиздзаутæн бар уыдзæн бæстæйы уæлдæр ахуыргæнæндæттæй иумæ бацæуын. Фыдыбæстæ æмæ экологи хъахъхъæнынады фæзылды. Уыимæ ма æнæ исæн фæлварæнтæй. Фæсивæд сæ тыхтыл нæ ауæрдынц.
Ахуыртæ тынг цымыдисаг сты. Æз ыл æппындæр нæ фæфæсмон кодтон, ардæм æрбацæуын кæй сразы дæн, ууыл. Нæхи тынг бæстонæй цæттæ кæнæнæм. Се æппæты дæр нæ фæнды фæуæлахиз уæвын.
Ахуыртæ афтæ арæзт сты, цæмæй теори æмæ практикæ уой æнцонвадат. Æрмæст лекцитæ нæ, фæлæ ма ногдзинæдтæ базонын æмæ раздæры зонындзинæдтæ ныффидар кæнын. Æвзæрстытæ цуынц карз хуызы. Архайджытæ бацæттæ кодтой хи тыххæй æппæт информаци. Мадзаларазджытæ сæм лæмбынæг æркастысты. Равзæрстой æрмæст хуыздæрты. Уымæй уæлдай ма ам цæттæ кæнынц скъоладзауты Мæскуыйæ.
Олимпиадæйы архайджытæ æмæ уæлахиздзаутæ цæттæ кæнынц «Выездная школа», кæй хонынц, уымæ гæсгæ. Фылдæр дзы пайда кæнынц регионты. Фæсивæд архайынц иу программæмæ гæсгæ. Ныридæгæн се ‘хсæн фæзынд хæлар ахастдзинæдтæ. Кæрæдзийӕн амонынц сæ зонындзинæдты сусӕг фӕзилӕнтӕ. Ахуыртæм иумæ цæуынц, æмхуызонæй цæттæ кæнынц проекттæ. Бахызтысты иумæйаг къордтæм.
Ахуыртæ фæуыдзысты 11-æм августы. Дарддæр сентябры архайджытæ сæ зонындзинæдтæ бафæлвардзысты скъоладзауты Æппæтуæрæсеон Олимпиадæйы. Педагогтæ хъæддыхæй зонынц, цæгатирыстойнаг архайджытæ фыццæгты хыгъды кæй уыдзысты, уый.
