ЦИПУ-йы ацыд историйæ скъоладзауты æппæтуæрæсеон олимпиадæйы кæронбæттæн къæпхæны æртыккаг тур

Бон раздæр ахицæн историйæ скъоладзауты æппæтуæрæсеон олимпиадæйы æртыккаг тур. Уый уыд предметæй бæстæйы егъау интеллектуалон ерысы кæронбæттæн къæпхæн. Фæсивæд сæхæдæг бацæттæ кодтой ныхасон æрмæджытæ, дзуапп лæвæрдтой жюрийы æмæ иннæ архайджыты фæрстытæн, аргъ кодтой сæ ныхмæлæуджыты æрмæджытæн. Æгас Уæрæсейæ Цæгат Ирыстонмæ ссыд 350 æвзонг эрудиты æмæ 150 педагогы. Æппынæдзух сын аразынц наукон-рухстауæн мадзæлттæ. Мæскуыйы паддзахадон университеты историон факультеты президент Сергей Карпов ахуырдзаутæн æмæ ахуыргæнджытæн бакаст лекци “Методологические ключи к понимаю истории”. ЦИПУ-йы Уæрæсейы наукæты академийы академик радзырдта ивгъуыд æмæ нырыккон наукæ раст куыд зонын хъæуы, уый. Хуыздæрты нæмттæ сбæрæг уыдзысты 10-æм апрелы. Уæлахиздзаутæн сæ бон уыдзæн профилон уæлдæр ахуыргæнæндæттæм æнæ фæлварæнтæй бахауын. Ныр та уал уазджыты зонгæ кæнынц нæ республикæимæ. Уазджытæ бабæрæг кæндзысты æфсæддон намысы бынæттæ, Беслæны фыццæгæм скъола, аргъ ма скæндзысты регионы сфæлдыстадон къордтæн.