ЦИПУ-йы хъыгдард æнæниздзинадимæ студенттæн аразынц æмбæлгæ уавæртæ

Проект “Безбарьерная среда”-йы фыццаг квартал сæхгæдтой Цæгат Ирыстоны паддзахадон университеты. Цыппар корпусы сӕвӕрдтой хӕцӕнтӕ, юридикон факультеты та райхӕлдтой зӕронд пандус. Цӕстӕй æвзæр чи уыны, уыдонӕн æрцауыгътой Брайлы 11 фæйнæджы. Уыдон сты мнемосхемӕтӕ, фадат дæттынц бæстыхайы уæвгæйæ сӕ уавӕры тыххæй сгаргæйæ бакӕсынӕн. Спорты галуаны ӕмӕ медицинон факультеты хъавынц хæрдмæ исæн гæрзтæ сæвæрын. Ахæм уавæрты хъыгдард æнæниздзинадимæ студенттæн университеты ахуыр кæнын уыдзæн удæнцой æмæ æдас. Уыимæ ма дзы фæзындзæн ӕххуысгӕнӕгмӕ бадзурыны кънопкӕтӕ.