Цæгат Ирыстоны паддзахадон университеты æфсæддон-ахуырадон центр сæ дæсныйадмæ гæсгæ рауагъта запасы фыццаг офицерты. “Мотоæхсæг дæлхайæдты, хайæдты æмæ фистæгцæуджыты æфсæдты иугондтæй пайдакæнынад”.
Ахсджиаг цауы фæдыл сын раарфæ кодта вице-премьер Томайты Ирбег æмæ ахуыргæнæндоны ректор Огъуаты Алан. Цæгат Ирыстоны паддзахадон университет йæ рæстæджы Цæгат Кавказы федералон зылды сси фыццаг уæлдæр ахуыргæнæндон, æфсæддон центр кæй бындурыл байгом кодтой, ахæм. Курсанттæ сæхи иттæг хорз æвдисынц. Разæнгардæй æххуыс кæнынц фронтæн – æмбырд кæнынц гуманитарон уæзтæ, ласынц æй сæрмагонд æфсæддон операцийы бынатмæ. Аразынц сусæггæнæн хызтæ, кусынц рынчындæтты.
