Таможни ахизынæн цы мадзæлттæ сæххæст кæнын хъæуы, уыдоныл бæстондæрæй бакусын æмæ автоматикон системæмæ рахизын. Ахæм курдиат бахастой Цæгат Кавказы таможнийы тымбыл стъолы.
Йæ архайджытæн радзырдтой, сæ тыхы цы ног закъæттæ бацыдысты, уыдоны тыххæй. Ногдзинæдтæ фадат ратдзысты уагдоны куыст электрон хуызы кæнынæн. Уый хуыздæрырдæм фæзындзæн, зæгъæм, амалхъом адæмыл. Ныр арæнты сæрты товар ласыны домæнтæ фæхуымæтæгдæр уыдзысты. Аивдзысты хæдтулгæты ласыны домæнтæ дæр. Таможнийы куыд зæгъынц, афтæмæй сæ Уæрæсемæ рæстæгмæ ласгæйæ арæх бакæнынц æндæр адæймæгты бар. Иудзырдæй, закъон халынц. Ног домæнтæм гæсгæ, ныр хæдтулгæтæ æндæр искæмæн æрмæстдæр цалцæг кæнынæн радтæн уыдзæн. Æмбырды архайджытæ ма æрдзырдтой æндæр фарстатыл дæр. Алкæмæн дæр фадат уыд йæ хъуыдытæ фехъусын кæнынæн.
