8 мин фыццагкъасонæй фылдæр сентябры сбаддзысты партæты уæлхъус. Сывæллоны скъоламæ райсыны фæдыл курдиæтты иу хай ныййарджытæ балæвæрдтой Паддзахадон лæггæдты порталы уылты. Регион фыццæгтимæ ацы процедурæ скодта онлайн-хуызы. Сывæллæттæ ахуыр кæндзысты ног чингуытæм гæсгæ. Къæпхæнгай сæ сног кæнын бабар кодта сæргълæууæг Сергей Меняйло. Æдæппæтæй райстой 365 мин экземпляры. Скъолатæ сæхæдæг дæр аивдæр кæнынц. 26 ахуырадон кусæндоны бындуронæй цалцæг кæнынц. Ссæдз дзы сты дыууæазон. Иннæтæ та иуазонтæ. Архайд цæуы нысангонд рæстæгæй раздæр.
Ацы ахуырадон аз æнæмæнг цымыдисаг уыдзæн. Уæлæмхасæн ахуырады системæйы сывæллæттæн скæндзысты 20 мин бынаты. Бæстæйы дыккæгтæ стæм ног лæвар къордтæ æмæ секцитæ кæм фæзынд, уыдоны ‘хсæн. Наукон, техникон, сфæлдыстадон, социалон-гуманитарон æмæ спортивонтæ. Фæрæзтæ сын радих кодтой 120 милуан сомæй фылдæр. Уый национ проект “Ахуырад”-мæ гæсгæ.
Æгас бæстæйы бонвæткы фæзынд ног предметтæ. Æдасдзинады æмæ Фыдыбæстæ хъахъхъныны бындурты уроктæ. Уый цардархайды æдасдзинады бындурты бæсты. Сæ мидис иу у, фæлæ ма сыл бафтдзæн райдиан æфсæддон цæттæдзинады ахуыртæ. Скъолаты сног кæндзысты фæллойы уроктæ дæр. Цæгатирыстойнаг педагогтæ дистанцион хуызы ацыдысты фæлтæрддзинад уæлдæргæнæн курсытæ. Хъæугæ кусæнгæрзтæй сæ ныридæгæн ифтонг кæнынц.
Фæзынд ма ноджы иу ногдзинад. Специалисттæ фидарæй зæгъынц, сывæллæттæн æнæмæнг пайда уыдзæн. Урокты уыдзысты лæмбынæгдæр. Ныр ахуырты рæстæг нæ уыдзæн телефонтæй пайда кæнæн. Уый фæдыл сæрмагонд Указ бафыста Бæстæйы Президент Владимир Путин. Гаджетæй спайда кæнæн уыдзæн æрмæст æвæстиаты уавæрты. Алы райсом иу скъоладзаутæ сæ чырæ телефонтæ ныууыдзысты ахуыргæнæджы стъолыл æмæ иу æй фæстæмæ райсдзысты æрмæст фæсурокты.
Цæгат Ирыстоны 11 ахуырадон кусæндоны байгом кæндзысты аграрон кълæстæ. Сывæллæттæн фадат уыдзæн нырыккон хъæууонхæдзарадон куыстуæтты архайды тыххæй базынын. Æнцондæр уыдзæн фидæны дæсныйад равзарын. Республикæйы уæлдæр ахуыргæнæндæтты бындурыл байгом кæндзысты скъолатæ. Республикæйы ахуыргæнæндæттæн нырма рæстæг ис ногдзинæдтæм бацæттæ кæнынмæ. Ног ахуыры азмæ ма баззад цалдæр боны. Æрмæст Дзæуджыхъæуы кълæстæм саккаг кæндзысты 40 мин скъоладзауы.
