19 мин хаттæй фылдæр лæггæдтæ скодтой цæрджытæн республикон социалон фонды хайады кусджытæ. Се ‘хсæн æнæ курдиат ныффысгæйæ СНИЛСтæ, мадæлты капиталы сертификаттæ, социалон фиддонтæ, хъыгдард æнæниздзинады фæдыл пенситæ æмæ пенситæм уæлæмхасæн фиддонтæ райсыны фарстатæ.
Ахæм фадаты ‘руаджы адæймаджы йæхи цæуын нæ хъæуы курдиат бадæттыны тыххæй. Йæ рæстæг ууыл нæ хардз кæны. Æнæ курдиат фысгæйæ ма снысан кæнынц рынчындоны гæххæт, æнхъæлцау сылгоймæгты уæгъд рæстæг, ацæргæ адæмы фæдзæхстадон пенсимæ уæлæмхасæн фиддон æмæ æндæртæ. Зæгъын хъæуы уый дæр, æмæ лæггæдты номхыгъд æппынæдзух уæрæхдæр кæны. Социалон фонд йæхæдæг цæрджытæн æппæт æмбæлгæ фиддонтæ снысан кæны. Цы пенситæ æмæ фиддонтæ снысан кодтой адæймагæн, уый базонӕн та ис паддзахадон лæггæдты порталы алы адæймагæн дæр йæхи хицæн кабинеты.
