Абон мысынц йæ хæстæ æххæстгæнгæйæ Уæрæсейы уголовон-æххæстгæнӕн системæйы кусджытæй чи фæмард, уыдоны. Цæгат Ирыстоны ссардтой, сæрмагонд нысаниуæг кæмæн ис, ахæм хайад «Боец»-ы 4 æфсæддоны нæмттæ.
13-æм августы 1998-æм азы æфсæддон хæстæ æххæстгæнгæйæ фæмардысты Тедеты Алексей, Мæхæмæтты Батраз, Козаты Алан æмæ Сергей Никонов. Уæд кусджыты къорд рад хастой Цми æмæ Уæллæг Ларсы. Терчы ‘рдыгæй райдыдтой æхсын гранатометтæ æмæ хъавæг винтовкæтæй. Карз ныхмæлæуды рæстæг фæмард 4 адæймаджы. Мысæн мадзалы архайдтой ведомствæйы сæргълæууæг Сергей Ролдугин, тæрхонтæ æххæстгæнæг федералон службæйы Цæгат Ирыстоны управленийы ветеранты советы сæрдар Дзебойты Хазби æмæ дæлведомствæйы уагдæтты кусджытæ.
