Дзæуджыхъæуы сæйраг уынгтæ бонæй-бонмæ рæсугъддæр кæнынц. Ирд æмæ райдзаст хуызтæй дидинæг калынц ныртæккæ зайæгойтæ. Уымæн стыр ахъаз сты «Владзеленстрой»-ы кусджытæ. Цъæх фæлыст нывыл кæнынц. Сæ размæ æвæрынц сæйрагдæр хæс – горæт аивæй дарын.
Æрвылбон ацы куыстуаты бригадæтæ архайынц æнæрлæугæйæ. Горæты цъæх фæлыст нывыл кæнынц зæрдæргъæвдæй. Алчидæр уарзы йæ куыст. Сæ размæ æвæрынц сæйрагдæр хæс – горæт аивæй æмæ рæсугъдæй дарын.
Алы аз ныссадзынц дидинджыты алыхуызон мыггæгтæ. Амарант, георгинæ, цинорария, сальвия æмæ æндæртæ. Ацы аз ма фæлварæны хуызы ныссагътой клен. Ныфс дарынц, адæмы къухтæй кæй нæ фесæфдзысты æмæ дидинджыты рæзт ничи бахъыгдæрдзæн.
Горæт бонæй-бонмæ аивдæр кæй кæны, уый æрмæст бынæттон цæрджытæ нæ банкъардтой. Ирыстонмæ уазæгуаты чи ссæуы, уыдонæй уайтагъд бафиппайынц, горæт кæй фæрæсугъддæр æмæ йæм æмбæлгæ цæстдард кæй ис, уый.
Тæвд бонтæ кæй ралæууыд, уымæ гæсгæ дидиинджытыл дон ныртæкææ фылдæр кæнынц. Ацы куыст сæ æнцонтæй кæй нæу, уый зоны алчидæр. Уый тыххæй та йын хъæуы уæлдай аргъ кæнын æмæ горæты рæсугъдзинадыл иумæ хъуызы кæнын æмæ кусын.
Пелиты Сабинæ
