Зæрдæмæдзæугæ аив нывæфтыдты равдыст «Легко быть рядом» зæгъгæ байгом Дзæуджыхъæуы. Арæзт æрцыд дауны синдром кæмæ ис, уыдоны номыл, регионалон æхсæнадон организаци «Время перемен» æмæ горæты администрацийы хъæппæрисæй. Къамт сты хуры сывæллæттæ, кæй хонынц уыдон, семæ республикæйы хицауады уæнгтæ æмæ æхсæнадон архайджытæ. Равдысты сæйраг нысан у равдисын кæд се *нæниздзинад хъыгдард у, уæддæр уарзынц цард æмæ йыл сæ фæндагыл ныфсджынæй размæ цæуынц. Аниматортæ æмæ раззагдæр архайджытæ сын ирхæфсæн программæ сарæзтой. Организаци «Время перемен» кусы дыккаг аз æмæ бæрнонæй рæвдауы хуры сывæллæтты. Уый тыххæй та сын стыр æххуысс сты цыфæндыйы цæстæй сæм чи нæ кæсы, уыцы адæм.
Котаты Альбина, Цæгат Ирыстоны организаци «Время перемен»-ы хицау: «Ацы сывæллæттæн кæд се`нæниздзинад хъыгдæрд у, уæдæр уарзынц цард, иннæтæй ницæмæй дæлдæр лæууынц. Сты хæларзæрдæ æмæ æмбаргæ. Уый тыххæй сæ хонынц хуры сывæллæттæ. Семæ хъæуы хъавгæйæ дзурын. Семæ хъæуы фаг рæстæг æрвитын».
