Хæстæгдæр рæстæг Цæгат Ирыстоны фæуазалдæр уыдзæн. Афтæ зæгъынц республикæйы гидрометцентры кусджытæ. Боныхъæды уавæр сæ хуыздæртæй нæ уыдзæн. Регионмæ æрбафтдзæн Арктикæйы уазал уæлдæф. Уымæ гæсгæ республикæйы зынгæ фæуазалдæр уыдзæн. Гидрометцентры куыд зæгъынц, афтæмæй рауардзæн тыхджын мит, ранæй рæтты уардзæн къæвда. Тæссаг у фæндæгтæн бырынцъагæй. Æхсæвыгон температурæ уыдзæн 0 градусæй 5 градуцы онг уазал, боныгон 2 градусæй – 3 градусы онг хъарм.
«Нæ республикæйы уыдзæн тыхджын антицеклон. Уæлдæфыхъæд фæуазалдæр уыдзæн, гæнæн ис æмæ рауардзæн мит, къæвдаимæ. Хæдтулгæтыл цæуын тæссаг уыдзæн, уымæн æмæ гæнæн ис, æмæ фæндæгтæ бырынцъаг уыдзысты», — Цæгат Ирыстоны гидрометцентры синоптик Светлана Сухова.
