Юбилейон, 15-æм Æппæтуæрæсеон фæсивæдон ахуырадон форум “Машук” байгом Пятигорскы. Мадзал æрбангом кæндзæн æппæт бæстæйæ 2 мин архайæгæй фылдæр. Сæ ас 14-æй 35 азы онг. Мадзал байгом кодтой кадджын уавæры. Сергей Меняйлойы номæй архайджытæн арфæ ракода вице-премьер Александр Реутов.
Цæгат Ирыстоны делегацийы ис 60 адæймаджы, фæйнæ 30 алы сменæйы дæр. Форумы фæлгæты 12-æм æмæ 20-æм августы фæнд кæнынц субъектты бонтæ саразын. Нæ республикæ бацæттæ кодта адæмон кæфтыты ансамбльтæ æмæ зарæггæнджыты архайдимæ концертон программæтæ. Дыууæ сменæйы æмгъуыдмæ форумы архайджытæ бакусдзысты ахуырады системæйы нырыккон моделыл. “Машук”-ы программæмæ гæсгæ фæсивæд æмбæлдзысты алыхуызон зындгонд адæмимæ, уыдзæн дзы экспертон блоктæ, раззагдæр практикты презентацитæ, иумæйаг куыст.
