2019 азæй Президенты указмæ гæсгæ национ проектты фæлгæты бæстæйы бындуронæй цалцæг кæнынц фæндæгтæ

Ацы аз Цæгат Ирыстоны рацараздзысты цалдæр хиды. Нацпроект “Инфраструктурæ цæрынæн”-мæ гæсгæ куыстытæ ацæудзысты 5 ахизæны, æдæппæтæй та – фараст объектыл, уый рацарæзт æмæ ног арæзтадимæ иумæ. Уыцы нысантæн радих кодтой 7 миллиард сомæй фылдæр. Бынæттæй иу – цæугæдон Сау доны сæрты хид Фарн – Къостайыхъæу æмæ Мичуринхъæуы фæндагыл. Ныртæккæ специалисттæ цæттæ кæнынц цæджындзтæ, уыдоныл æнцой кæндзысты 18 метры дæргъæн хиды быцæутæ. Зæронд арæзтад фæлæууыд дæсгай азты, нырыккон домæнтæн дзуапп нал лæвæрдта. Ног хид уыдзæн иутæлмон, æфсæнбетон цæджындзтыл, дондзæуæн æмæ дыууæ тæлмимæ хæдтулгæты змæлдæн. Рахизфарсы æмæ Æрыдоны районты цæрæн пунктты ‘хсæн ацы фæндаг у æппæты цыбырдæр, йæ фæрцы фæрогдæр уыдзæн Дзæуджыхъæу-Æрыдон-Цыкола-Лескен2-йы транспортон бастдзинады змæлд. Бындурон цалцæг фæуынвæнд кæнынц декабры, куыстыты цыдмæ йæ цæст дары Республикæйы фæндаггон хæдзарады комитет.