2020-æм кæронбæттæн ныхасы цы 32 æхсæнадон цæстарæджы архайдзысты, уыдон сæрмагонд ахуыртæ ацыдысты. Цæгат Ирыстоны ахуырад æмæ наукæйы министрады специалисттæ сын бæстонæй радзырдтой, ныхас цавæр фæткмæ гæсгæ цæудзæн, уый.
Уыимæ ма сын се `ргом раздæхтой кæронбæттæн ныхасы хицæндзинæдтæм дæр. Ацы аз æхсæнадон цæстдарджытæ кæронбæттæн ныхасы фыццаг хатт архайдзысты. Се `хсæн Уæрæсейы фæсивæдон цæдисы минæвæрттæ, республикæйы уæлдæр ахуыргæнæндæтты студенттæ. Æхсæнадон цæстдарджыты сæйраг нысан у паддзахадон кæронбæттæн атесттацийы мониторингы рæстæг объективон уæвын. Дарддæр æхсæнадон цæстдарджытæ ацæуыдзысты аккредитаци. Ахуырты фæстæ бархионтæ баххæст кæндзысты тестты хуызы хæслæвæрттæ. Сæ бæрæггæнæтæм гæсгæ райсдзысты сæрмагонд æвдисæндартæ.
Уæ зæрдыл уын æрлæууын кæндзыстæм, уырыссаг æвзагæй кæронбæттæны ныхас дæтты фадат паддзахадон кæронбæттæн атесстацимæ бахауын. Ацы аз ацæудзæн 12-æм февралы. Рауагъдонтæй æвзæр бæрæггæнæнтæ чи райса, уыдонæн снысан кодтой уæлæмхасæн рæстæг – 11 мартъи æмæ 18-æм май.
