preloader
сейчас в эфире
14:13
ВОКЗАЛ ДЛЯ ДВОИХ 12+
Смотрите Далее
15:00
ВЫБЕРИ ЖИЗНЬ 12+
16:00
НОВОСТИ 12+
16:15
ЖЕСТОКИЙ СТАМБУЛ 12+
17:45
ХЪУСЫНГÆНИНÆГТÆ 12+
17:50
КОММУНАЛКА 12+
ТВ ПРОГРАММА
ВОКЗАЛ ДЛЯ ДВОИХ 12+
close

Адæмон фронты уæнгтæ аргъ скодтой Æрæфы районы бындурон цалцæджы куыстытæн

24.03.2023 19:23

Фыццаджыдæр сбæрæг кодтой ахуыргæнæндæтты æдасдзинады домæнтæ куыд æххæстгонд цæуынц, уый, стæй дзы æмбæлгæ кусæнгæрзтæ скъоладзаутæн ис æви нæ, уый.

Адæмон фронты уæнгтæ æркастысты, Æрæфы районы бындуронæй цы скъолатæ цалцæг кæнынц, уыдонмæ. Фыццаджыдæр сбæрæг кодтой ахуыргæнæндæтты æдасдзинады домæнтæ куыд æххæстгонд цæуынц, уый, стæй дзы æмбæлгæ кусæнгæрзтæ скъоладзаутæн ис æви нæ, уый. Кæй зæгъын æй хъæуы, уагхæлдтытæ дæр сбæрæг сты.


Дондзæуæн æмæ хауæтдзæгты хæтæлтæ ног ивд, афтæ рудзгуытæ æмæ хæдзары сæр дæр. Ам алцыдæр конд у фыццаджы дæр сывæллæтты æнцойдзинадæн. Ныр стыр æмæ райдзаст кълæсты ис хæрзхъæд мебель, къултыл та ауыгъд ис нырыккон интерактивон фæйнæджытæ. Ахуыр кæнынæн æппæт хъæугæ уавæртæ сарæзтой скъоладзаутæн. Зæгъæн ис, æмæ Цыколайы æртыккæгæм скъола цæттæ у йæ дуæрттæ сабитæн байгом кæнынмæ, фæлæ æнæ уагхæлдтытæй дæр хъуыддаг нæ рауад. Хъармгæнæн уат арæзт æрцыд скъолайы мидæг, афтæмæй хъуамæ уыдаид кæрты.

Уæдæ Советское хъæуы скъола та æмгъуыдмæ гæсгæ хъуамæ фарон сцæттæ уыдаид. Мидæггаг цалцæг кæнæн куыстытæм фау æрхæссæн нæй. Хæрæндоны алцыдæр ис, цæмæй сывæллæттæн тæвд æмæ адджын хæринаг конд уа. Фæлæ ма бæстыхайы æддаг бакаст снывыл кæнын хъæуы. Къæвдайы дон уайæн хæтæлтæ цух ма у, стæй хæдзары сæрыл та сфидар кæнын хъæуы сæрмагонд æнцойгæнæнтæ. Уымæй уæлдай ма скъолайы алыварс быру дæр нæма сцæттæ. Уый та хъуамæ 2 метры бæрзæнд уа.

Муниципалон хицауад æппæт хъæндзинæдтæм дæр уæлдай цæст дары. Уæ зæрдыл уын æрлæууын кæндзыстæм, бындурон цалцæджы куыстытæ арæзт цæуынц программæ «Ахуырады рæзт»-ы фæлгæты. Ацы аз Æрæфы районы сцалцæг кæндзысты 2 скъолайы – Хæзныдон æмæ Махческы.

Биджелты Бертæ

Читайте также
Все новости