Афæдзы райдианæй Уæрæсейы социалон фонды Цæгат Ирыстоны хайад снысан кодта ныййарджытæн иумæйаг фиддон 30 мин сомæй фылдæр. Индексацийы фæстæ фæцæрынæн æппынкъаддæры бæрц фæфылдæр. Ныр у 7 мин 740-æй 15 мин 481 сомы онг мæймæ. Æнхъæлцау сылгоймæгтæн та — 8 мин 698-æй 17 мин 396 сомы онг. Уыимæ, аивта æфтиæгты нымад, иумæйаг фиддон нысан кæнгæйæ. Январæй бинонты алы куыстхъом адæймаджы æфтиаг дæр хъуамæ цыппар æппынкъаддæры бæрцæй къаддæр ма уа. Ныртæккæ æгас Уæрæсейы мызды æппынкъаддæры бæрц у 22 мин 440 сомы.
Ома, алы куыстхъом адæймаджы мызд дæр, нымадмæ цы 12 мæйы хауынц, уыдоны æмгъуыдмæ хъуамæ иумæйагæй 89 мин 760 сомæй къаддæр ма уа. Ахсджиаг аххосагмæ гæсгæ чи нæ куыста, уыцы адæймæгтæ нымадмæ нæ хауынц.
Уымæй уæлдай, комплексон хатдзæгтæ кæнгæйæ, нымад нæ цæуынц æфсæддонтæн æмæ сæ бинонтæн паддзахадон фиддонтæ. Ома, се ‘нæнæиздзинад хъыгдард кæй баййæфта, уый тыххæй сын цы фæрæзтæ бафыстой, уыдон. Нымад ма нæ цæуынц чи фæмард, уыцы æфсæддонты хæдзæртты бындурон цалцæгæн цы фæрæзтæ рахай кодтой федералон бюджетæй, уыдон дæр.
