Алайнаг гимназ дарддæр цалцæг кæнынц. Æппæт куыстытæ дæр баххæст кæндзысты ног ахуыры азы райдианмæ. Æмткæй райсгæйæ банывыл кæндзысты æртыккæгæм уæладзыджы 6 къласы. Ныртæккæ дзы ивынц инженерон хызæгтæ, сног дзы кодтой пъолтæ, дуæрттæ.
Цалцæггæнæн куыстытæ æххæст кæнынц республикон бюджеты хардзæй. Алайнаг гимназы ма ахуыр кæнынц Дзæуджыхъæуы 1-æм скъолайы ахуырдзаутæ. Ацы аз ма дзы фæзындзæн дыууæ фыццæгæм къласы. Æдæппæттæй гимназы ахуыр кæны 263 скъоладзауы.
