Сæрдыгон дзæбæхгæнæн кампанийы размæ Цæгат Ирыстоны бæрæг кæнынц сывæллæтты лагерьтæ. Дзуапдæттæг ведомствоты кусджытæ уыдысты Тæмисчъы дзæбæхгæнæн уагдæтты. Ацы аз æгас республикæйæ суазæг кæндзсты мин æмæ æрдæг сывæллонæй фылдæр. Ног кусæнгæрзтæ, цудыд æнæниздзинадимæ сабитæн тренажертæ, хореографийы зал æмæ æндæр хорздзинæдтæ. Ам рæстæг пайдаимæ арвитынæн сывæллæттæн æппæт уавæртæ дæр ис.
Дзæбæхгæнæн физкультурæйы ахуыртæ цæудзысты ацы ноггонд залы. Ныртæккæ уал дзы ӕрбынат кодтой кусæнгæрзты кæцыдæр хай, хæстæгдæр бонты сæ æххæстæй сифтонг кæндзысты. Залы пъолыл ма байтаудзысты сæрмагонд гарз. Ахæм зал фæлæ хореографийæн. Уый дæр сцалцæг кодтой. Тагъд æй сифтонг кæндзысты æмбæлгæ гæрзтæй. Афтæмæй йæ ратдзысты эксплуатацийы. Куыстытæ куыд æххæстгонд цæуынц, уымæ сæ хъус дарынц ведомствоты ‘хсæн къамисы.
Ацы ног тренажертæ та пайда сты æнæниздзинад фæхъæддых кæнынæн. Се ‘ххуысæй лӕмӕгъ æнæниздзинадимæ сывæллæттæ цæудзысты æмбæлгæ реабилитаци. Терапийы кабинеты та – цæстытæ дзæбæхгæнæн лазеры аппарат. Сæрдыгон-дзæбæхгæнæн кампанимæ «Тæмискъ»-ы центры сӕхи бæстонæй цæттæ кæнынц. Ацы аз ам сæ рæстæг арвитдзысты 800 сывæллоны.
Сывæллæттæм æнхъæлмæ кæсынц санатори «Тæмискъ»-ы. Æмбырдтыты æмæ хиирхæфсæн залтæ сног кодтой. Къултæ чъырæй сцагътой, ногæй баивтой рудзынгӕмбӕрзӕнтӕ. Ног кусæнгæрзтæ фæзынд хæринаггæнæн бæстыхайы дæр: Уазалгæнæн камерæ, пец, посудæ æхсæн машинæтæ. Санаторийы сывæллæттæн хæрын кæндзысты бон 5 хатты.
Реабилитацион центр «Тæмискъ» сæрдыгон-дзæбæхгæнæн кампанимæ цæттæ у. Ахæм уынаффæ рахастой къамисы уæнгтæ. Санаторимæ та сæм разынд фиппайнæгтæ. Сæрдыгон-дзæбæхгæнæн кампани райдайдзæн тагъд. Ацы аз дзы сæ рæстæг арвитдзысты 36 мин сывæллоны. Ацы хъуыддагæн республикæйы хицауад рахай кодта 230 милуан сомы.
