Ацы аз Уæрæсейы сараздзысты 200 «зондджын» спортивон фæзы. Проектæн рахай кодтой 5 млрд сомы.
«Бизнес-спринт» хъæппæрисы фæлгæты æхцатæй раздæр фæнд кодтой егъау спортивон мадзæлттæ бацæттæ кæнын. Уый тыххæй фехъусын кодта хицауады сæрдары хæдивæг Дмитрий Чернышенко. Ныр фæрæзтæй балхæндзысты тренажертæ æмæ спортивон инвентарь.
Программæмæ сæ бавæрæн хæссынц бизнесментæ дæр. Пъланмæ гæсгæ 2030 азмæ спортивон объектты 50% арæзт æрцæудзысты амалхъом адæмы фæрæзтæй.
