Абон æгас дунейы дæр бæрæг кæнынц Ахуыргæнæджы бон. Цæгат Ирыстоны педагогтæн раарфæ кодта Сергей Меняйло. Регионы разамонæг бузныг загъта ахуыргæнджытæн сæ æрвылбоны куысты тыххæй, скъоладзауты хъомыладæн сæ хъару æмæ рæстæг кæй не ‘вгъау кæнынц. Сæргълæууæг куыд фæбæрæг кодта, афтæмæй сывæллоны цард æмæ райæзты ахуыргæнæгæй тынг бирæ аразгæ у. Бафиппайдта, республикæйы хицауад ахуырады системæйы кусджытæн æххуысы мадзæлттæ фæфылдæр кæныныл æппынæдзух кæй архайы. Алыхуызон фиддонтæй уæлдай ма æххæст кæнынц программæ “Земский учитель”. “Мæ зæрдæ уын зæгъы фарн, амонд æмæ ног профессионалон æнтыстытæ”, — бафтыдта Сергей Меняйло.
