Бæхты театр «Нарты» -йы артисттæ ног азмæ бацæттæ кодтой спектакль «Али баба æмæ абырджытæ». Цымыдисаг ма у уый, æмæ равдысты размæ уазджытыл æмбæлдзæн Митын Дада лæвæрттимæ. Спектакль фенæн уыдзæн январы кæронмæ. Бæлвырддæр нæ дарддæры æрмæджы.
Ирд декорацитæ æмæ сабибонтæй фæстæмæ алкæмæндæр зонгæ хъайтартæ. Ног азы агъоммæ бæхты театр «Нарты» чысыл театрдзаутæн бацæттæ кодтой араббаг аргъау «Али баба æмæ абырджытæ». Цымыдисаг æнкъарæнтæ сӕвзӕрд куыд сывæллæттæ, афтæ хистæртæм дæр.
Спектаклы архайынц канд бæхты театры актертæ нæ, фæлæ ма ЦИПУ-йы аивæдты факультеты рауагъдонтæ дæр. Театр «Нарты»-йы раззагдæр артисттæй иу Махъоты Тамарæ. Архайы аргъауы сæйраг хъайтары бинойнаг Фатимæйы ролы. Куыд зæгъы, атфæмæй, кæд репетицитæн рæстæг нæ фаг кодта, уæд дæр йæ роль уайтагъд бауарзта.
Режиссер Валерий Попов иумæйагæй тетры аивадон разамонæг Сиукъаты Тимуримæ бантыст æххæстæй равдисын хореографион æмæ цирчы аивад. Аргъауы руаджы балæвар кодта театрмæ кæсджытæн ног æнкъарæнтæ.
Хъæздыг фынгтæ, хъæлдзæг конкурстæ æмæ зындгонд равдыстытæ джигитовкæимæ. Араббаг аргъау сценæйыл цæудзæн январы кæронмæ. Зæгъын хъæуы уый, æмæ æххæстгонд цæуынц эпидемиологон домæнтæ. Театры кусджытæн та аргъау «Али баба æмæ абырджытæ» у егъау цау.
