Бæстæйы цæрджытæн сæ бон у ног ахуырад лæвар райсын национ проект “Кадры”-йы фæлгæты. Уæрæсейы хицауад ныридæгæн хъæугæ программæ снысан кодта.
Спайда кæнын дзы сæ бон у 50 азæй фылдæр кæуыл цæуы, уыдонæн. Сæрмагонд æфсæддон операцийы ветерантæн æмæ сæ бинонтæн, сывæллонмæ зилыны фæдыл отпускы чи ис, уыцы нæлгоймæгтæн æмæ сылгоймæгтæн. Уымæй уæлдай, скъолайы агъоммæ цот чи хъомыл кæны, æмæ кусгæ чи нæ кæны, уыцы ныййарджытæн, æрыгон адæмæй 35 азы онг кæуыл цæуы æмæ куысты ныллæууын йæ бон кæмæн нæу, уыдонæн.
Хъыгдард æнæниздзинадимæ цæрджытæй, куыст чи агуры, йæ фæллойадон бынат фесафынæй тæссаг кæмæн у, ахæмтæн. Курдиат бадæттæн æмæ здæхтытимæ базонгæ уæвæн ис “Работа России” порталы. Уый фæстæ ахсджиаг у куыстдæттыны центры профориентаци ацæуын, цæмæй специалисттæн дарддæр сæ бон уа программæ бацæттæ кæнын, куыстагурæджы гæнæнтæ æмæ домæнтæ хынцгæйæ. Эономикæйы къабазы парахатдæр дæсныйæдтæм гæсгæ квалификаци уæлдæргæнæн курсытæ арæзт цæудзысты федералон бюджеты хардзæй. Михаил Мишустин куыд фæбæрæг кодта, афтæмæй æрвылаз паддзахадон æххуысы руаджы куысты бынаты ныллæудзысты 104 мин адæймаджы.
