Дзæуджыхъæуы байгом «Ирон æгъдау»-ы скъола. Уым æрыгæтты ахуыр кæндзысты сæ фыдæлты бындурон зондахастыл. Ахуыры рæстæг фæсивæд райсдзысты кусарт кæныны, бæгæны фыцыны, лæггад кæнын æмæ æндæр æрмгуыстыты уроктæ дæр.
Фæсивæды ма базонгæ кæндзысты хъазты кафт æмæ зарыны дæсныйадыл. Скъолайы ахуыргæнджытæ уыдзысты зындгонд историктæ, бæстæзонджытæ, философтæ, культурæ æмæ аивады кусджытæ. Æхсæнадон ахуыргæнæндон кусдзæн къуыри иу хатт, Фрунзейы номыл уынджы, 24-æм хæдзары. Сæрмагондæй дзы скъолайæн радих кодтой, 100 адæймаджы кæм цæуы, ахæм зал.
