6-æм æмæ 7-æм февралы нæ республикæйы районты центрон æвзарæн къамисы уæнгтæ сараздзысты ахуырадон семинартæ.
Радзурдзысты дзы, адæмы хъæлæстæ автоматикон æгъдауæй чи нымайы, уыцы кусæнгæрзтимæ архайды сусæгдзинæдты тыххæй. Уый хауы, фыццаджыдæр Ногир æмæ Хæзныдонмæ. 10 февралы ацы хъæуты æвзардзысты бынæттон администрациты сæргълæууджыты. Оператортæн амондзысты куыд теоретикон, афтæ практикон зонындзинæдтæ дæр. Базондзысты æвзæрстыты къæпхæнтæ: хъæлæстæ банымайын куыд хъæуы, стæй æвзарæн хайæдты кæронбæттæн суагъæтæ куыд цæттæгæнгæ сты, уыдæттæ.
