Социалон объектты арæзтадæн Цæгат Ирыстоны радих кæндзысты уæлæмхасæн фæрæзтæ.
Ууыл æрдзырдтой нæ республикæйы сæргълæууæг Битарты Вячеслав æмæ Уæрæсейы хицауады сæрдары хæдивæг Виталий Мутко. Фæрæзтæ радих кæндзысты Мæздæджы ног поликлиникæ саразынæн. Горæтгæрон районы фæзындзæн дыууæ амбулаторийы. Уымæй уæлдай ма, Æрыдоны районы сараздзысты æртæ ног рæвдауæндоны. Уымæй уæлдай ма Æрыдоны районы сæйраг рынчындоны райдайдзысты цалцæггæнæн куыстытæ.
Битарты Вячеслав куыд бафиппайдта, афтæмæй паддзахадон программæ “Развитие образования” -йы фæлгæты ацы аз Дзæуджыхъæуы райдыдтой аразын ног скъола. Уыдзæн дзы 1100 бынаты. Виталий Мутко куыд загъта афтæмæй завод “Электроцинчы “фарстаимæ зонгæ у. Разы у баххуыс кæнын куыстуаты лыггæнинаг фарстатæ аиуварс кæнынмæ.
