Дæргъæвсы дзæппæзтæм бацæуыны бар ис. Уый тыххæй фехъусын кодта Цæгат Ирыстоны национ музейы разамонæг Къубалты Валерий. Йæ ныхæстæм гæсгæ экскурситæ араздзысты бынæттон гидтæ. Уæ зæрдыл уын æрлæууын кæндзыстæм Дæргъæвсы дзæппæзтæ дзырддаг систы къорд рæстæджы размæ. Республикæйы цæрджытæ смæсты сты, социалон хызæгты æнæуаг хуызисттæ кæй апарахат сты, уый тыххæй.
РЦИ-Аланийы национ музейы разамонæг Къубалы Валерий: «Мах фыццаджыдæр нæ ныфс дардтам æрбацæджытæ сæ хæдзæрттæй æгъдæуимæ кæй рацæудзысты. Куыд сбæрæг ис афтæмæй фыдæнхъæл фестæм. Ныртæккæ æрбацæуджытæм ис фылдæр домæнтæ. Республикæйы культурæйы министрады хъæппæрисæй сарæзтам ног фæтк. Цалдæр боны фæстæ дзы сæвæрдзыстæм хъæугæ информациимæ фæйнæджытæ».
