Дзæуджыхъæуы бирæпрофилон техникумы студенттæн абон сарæзтой лæгдзинады урок. Скодтой йæ терроризмимæ тох кæныны иумæйаг бонмӕ. Уæрæсейы йæ снысан кодтой 3-æм сентябры, Беслæны æвирхъау цауты фæстæ.
Фæсивæдæн радзырдтой, куыд ахсджиаг у ма рох кæнын уыцы цаутæ. Беслæн у нæ историйы риссагдæр сыфтæй иу. Студенттæн равдыстой документалон киноныв. Ахуырдзаутӕ дзырдтой æмдзæвгæтæ. Мадзалы ма архайдтой, уæды рӕстӕг, 2004-æм азы ирвæзынгæнæн мадзæлтты чи архайдта, уыдон дæр – майортæ Вадим Алексеенко æмæ Игорь Зайцев, стæй Уæрæсейы гвардийы цæгатирыстойнаг управленийы æмæ сæрмагонд службæты дæлхайæдты кусджытæ. Техникумы мысæн мадзæлттæ саразынц алы аз дæр.
