Бæстæйы санитарон-эпидемиологон службæйы скондыл абон сæххæст 100 азы. Уый фæдыл республикæйы хицауады сæрдар Дзанайты Барис схорзæх кодта Уæрæсейы фæлхасгæнджытæм цæстдарды управленийы регионалон хайады кусджыты кадджын хæрзиуджытæй. Раарфæ сын кодта регионы сæргълæууæг Сергей Меняйлойы номæй. Мадзал ацыд Цæгат Ирыстоны паддзахадон медицинон академийы актон залы.
Премьер фæнысан кодта, цы куыст кæнынц, уымæн кæддæриддæр цы стыр нысаниуæг уыд. Структурæ абон дæр æххæст кæны ахсджиаг хæстæ. Республикæйы сæргълæууæджы бардзырдмæ гæсгæ, къабазы къорд специалистты саккаг кодтой Цæгат Ирыстоны медицинæйы сгуыхт кусæджы номæй.
