Республикæйы пысылмæтты монон управлени сарæзтой адæмты иудзинад æмæ хæлардзинады фарстаты фæдыл сæрмагонд æмбырд. Мадзалы бацархайдтой Цæгат Ирыстоны дины минæвæрттæ, уыимæ Цæгат Кавказы Федералон зылды регионтæ æмæ Хъалмыхъы æхсæнадтæй активисттæ.
Ныхас цыд традицион æхсæнадыл цавæр бæрæггæнӕнтæ ахады, уыдоныл. Ам, ныхас цыд, фыццаджыдæр социалон хызæгтыл. Фæбæрæг кодтой, фæсивæды æхсæнады идеологийы цы æппæрцæг миниуджытæ ис. Ацы фарста абон у уæлдай ахсджиаг. Куыстыты хатдзæгтæм гæсгæ снысан кодтой дарддæры архайд дæр. Сæ сæйрагдæр – фæсивæды аккаг хъомылад.
