Фтизиопульмонологийы республикон клиникон центры ацыд наукон конференци

24.03.2023 19:21

Дохтыртæ алы районтæй фтизиатртимæ ныхас кодтой тарнизæй рынчынты уавæрыл.

Рахизфарсы районы пъæлицæйæгтæ æрымысыдысты лейтенант Джыбылаты Зауыры рухс ном. Уæрæсейы хъæбатыры цыртдзæвæныл сæвæрдтой дидинджытæ. Абон Зауырыл сæххæст уыдаид 37 азы. Мадзалы архайдтой мидхъуыддæгты министрады ветерантæ дæр. Джыбылаты Зауыр фæмард 2012 азы. Уæд 23 -æм октябры фæндаггон-патрулон службæйы кусæг фæмард Чермены посты, хæдтулгæ бæрæггæнгæйæ. Уыди дзы рæмудзæн æрмæг, æмæ йæ, барадхъахъхъæнджыты бæрæггæнæнтæм гæсгæ, фыдгæнджытæ хъуамæ срæмыгътаиккой Дзæуджыхъæуы. Офицер Джыбылаты Зауыр 40 кг тротилæй ифтонг хæдтулгæ республикæйы арæны сæрты не ’рбауагъта.

Фтизиопульмонологийы республикон клиникон центры ацыд наукон конференци. Дохтыртæ алы районтæй фтизиатртимæ ныхас кодтой тарнизæй рынчынты уавæрыл. Дзырдтой куыд ахсджиаг у афойнадыл профилактикон æркастытæ цæуын. Пандемийæйы рæстæг диспансеризаци фæурæдтой. Æнæниздзинад хъахъхъæнынады министр Тебиаты Сосланы ныхæстæм гæсгæ, ныртæккæ ис æппæт фадæттæ дæр, уыцы куыст сног кæнынæн æмæ йæ банывыл кæнынæн.

Предыдущий материал

24-æм мартъийы æппæт дунейы дæр бæрæг кæнынц тарнизы ныхмæ тохы бон

Следующий материал

24 мартъийы райгуырд Уæрæсейы хъæбатыр Джыбылаты Зауыр