Сбæрæг сты Хъамбердиаты Мысосты номыл литературæйæ премийы лауреаттæ. Хуыздæр æрыгон авторты равзæрстой профилон къамисы æмбырды. Ацыд вице-премьер Тугъанты Ларисæйы амындæй. Æдæппæтæй æркастмæ бацыд 5 курдиаты.
Номинацитæ «Проза» æмæ «Поэзи». «Драматурги» здæхты куыстытæ нæ разынд. Къамисы уæнгты ‘хсæн республикæйы культурæйы министрад, фысджыты цæдис, аивад æмæ журналистикæйы минæвæрттæ. Уыимæ, литературæйы зындгонд архайджытæ. Премийы аккаг систы Цæрикъаты Оксанæ æмæ Бетъеты Фатимæ. Тугъанты Ларисæ фæнысан кодта, ахæм æркастыты руаджы æрыгон курдиæттæ разæнгард кæнынц. Æмæ дарддæр кусынц се сфæлдыстады рæзтыл.
Уæ зæрдыл уын æрлæууын кæндзыстæм, Хъамбердиаты Мысосты номыл паддзахадон преми литературæйы къабазы нысангонд цæуы æрыгон автортæн цымыдисаг литературон сфæлдыстады фæдыл. Уымæй уæлдай ма, алыхуызон фарстатæ раргом кæнын, мадæлон æвзаг парахат кæныны фæдыл. Преми лæвæрд цæуы иу хатт.
